Nos a logra hanja ( 8-dec- 2003 ) un Kolebra Zwiep GRANDI.
Su midi ta 107cm di largura ( 1 meter mas 7 cm )
Su barika ta midi 3.5 cm diki.
Pa nos te ahinda esaki ta e Kolebra Zwiep di mas grandi.
A kaptura e Reptiel aki den area di Sta Rosa. Nos a transporte pa
Klein St. Michiel, lage pasa anochi pa despues e sigiente dia
mainta 8-or lage liber den mondi di Mal-Pais.
Nos tin ku bisa ku e Reptiel aki ta bastante liher. Si bo no ta
sufisiente atento kune e ta bai laga-bo.
Sigi lesa abou. . . .

Reptiel-nan manera esaki ta hansha (spanta) ora nan bini den kontakto
ku hende. Esaki por ehempel a kore bai af (poepoe) e momento ei.
Ademas durante di transport ( zonido di auto vibrashon etc.) a pone saka
loke ela kome. Ela saka mitar kurpa di un Lagadishi grandi, ( e parti rabu,
2 pia patras i pida barika.)
Na momento ku nos a lage den libertat, direkt ela bai den direkshon di
un Pingui ku tabata 5 meter ei banda. Jegando 1 meter di distansia e Pingui
a manera vries, pa despues saka kareda kore limpi bai.
Ku hopi entusiasmo e Kolebra a sigi saka su lenga afo pa sinti senjal di
"koi-kome" (kuminda) den e area.
Ku nan lenga nan ta kohe " ionen " en airu i manda esaki na un organo spesial
patras di nan "shelu di boka" (den boka ariba). E organo spesial aki ta manda
sinjal pa su mente, bisando: tin kuminda, kua direkshon i kon leuw.

Nos ta satisfecho ku e ta sinti su mes na kas , i sigi ku su labor pa tene
nos naturalesa balansa.
Nos por ripara ku diferente kaminda tin manera un pest di Lagadishi.
Esaki kisas tambe tin di haber ku skarsedat di Kolebra.
Si bo topa un Kolebra na kas, no mate, laga un persona kue pa-bo i
bai tire BIBU den mondi. Ami tambe ta disponibel TUR ora pa hasie pa bo.

Si bo ke mira e Kolebra su kurpa kompleto click AKI.
Nos tin aki mas foto den nos ARCHIEVO.

BACK-( REPTIEL )

HOME-PAGE