E Palabrua tin manera un kara di kurason.
Nan tin kolor blanku i maron/brons.
E machu ta mas chiki i tin hopi mas blanku den su kolor.
Un Palabrua ta un para jagdo.
Nan ta drumi den dia i anochi nan ta sali buska nan kuminda.
E Palabrua ta kome Raton, Raton di anochi, Djaka i Sapu.
Si e topa ku para-nan chiki tambe e ta kome.
Hopi bia e ta kome tur kos di e bestia ku e mata.
Loke ta pluma, kabei i wesu ku su stoma no ta digesti
e ta saka na boka, lora forma di bala. ( pellets )

Aunke nan no ta mira na kolor, nan por distingui un
feneta den jerba anto den skuridat.
Un otro arma di e Palabrua ta su forma di bula.
E Palabrua ta bula silensioso.
Esaki e por hasi door di un tipo di pluma spesial
ku e tin na rant di su hala.
Mira e ilustrashon aki.

Nan no tin temporada di brui, manera otro para.
Durante hinter anja nan por brui, i for ora un ju krese
i tin 8 luna e tambe por brui.
Nan por hanja te 8 ju, i e ju ta riba su mes ku 8 siman.
Palabrua ta biba 5 anja so, esaki ta un di e motibunan
ku nan por brui for di tempran i tur temporada.
Nan por draai nan kabes 270 grado, pero esaki NO ta algu
impresonante pasobra tur otro para tambe por hasie.
Nos ta menshone pasobra hopi ta bisa ku ta nan so por, i no ta berdat.