Bichi-kandela ( otro tipo )

Hopi impreshonante tabata komo mucha, mira un par di lus chiki
ta pasa del laira den bo kura di kas.
Ora bai puntra bo major-nan, pa bo hanja sa ku ta insekto nan ta.
Kontrali na loke hopi hende ta bisa, e NO ta un Barbulete.
Aki na Korsou tin diferente tipo di Bichi-Kandela.

ADULTO:
E Bichi-kandela ta bula i sede su lus of tambe flash e lus pa
atrae un parega. Pa produsi e generashon di Bichi-kandela nobo.
E Bichi-kandela adulto ta kome otro insekto-nan chiki.
Pero tin indikashon ku nan sa chupa nektar di flor pa asina
alarga nan bida i duna nan mes energia pa produsi lus.

JUI-NAN:
E jui-nan ( rubs chiki ) ta biba riba suela i semi den tera.
Nan ta kome Sluk i Bichi di tera.
E jui-nan aki gusta humedat, husto kaminda por hanja Sluk i Bichi di tera.
Pa e motibo aki nos por mira nan hopi bia despues of durante di awaseru.
Despues ku e momento jega, nan ta subi un taki of blachi di palu.
Aki nan ta bai Krisalysa meskos ku Barbuleta ta hasi. For di e Krisalys
ta sali e Bichi-kandela kla pa bula i sende lus.

E LUS ?
Wel esei ta poko komplika.

E parti atras di su kurpa ( wak foto ) ta emeti e lus.
Kon e ta produsi-e ? E ta meskla ( den su kurpa ) algun sustansia
i asina krea un Reakshon Kimiko. Loke e ta usa ta:
Luciferin, Luciferase, ATP (adenosine triphosphate) i Oksigeno.
E por kontrola ( sende - paga ) e lus door di agrega menos
oksigeno of mas oksigeno.
Un pera di lus ( kualkier tipo ) ta saka 30 % na lus i 70 % na kalor.
Serka un Bichi-kandela 99 porshento di loke e produsi ta lus.
Imagina-bo si e Bichi-kandela tabata saka 70% na kalor, . . . e ta kima
su mes mata.

APARIENSIA:
Nan kolor ta maron/skur ku algun mancha krem.
Su kabes ta imita kabes di un Kakalaka un tiki.
E Bichi Kandela aki tin un grandura di aproximadamente 1 cm.

ESKUDO-nan i TOR-nan

INDEX di INSEKTONAN